android
الرئيسية
المقالات

9 فوائد للبرتقال غير اللي ماما تعرفهم

9 فوائد للبرتقال غير اللي ماما تعرفهم

9 فوائد للبرتقال غير اللي ماما تعرفهم


في وقت انتشار الأمراض وخصوصا في فصل الشتاء ومع كل دور برد بيجيلك بتسمع كلمة ماما المشهورة "أقشرلك برتقالة" ولكن فوائد البرتقال مش بس للبرد وعلاجه ولكن فوائده أكتر بكتير من كده

ومن أمثلة الفوائد دي:



1- هيساعدك تخس:

لأن عدد السعرات الحرارية في البرتقال قليل أوي وبيوصل ل 65 سعر حراري في البرتقالة المتوسطة وده بيساعدك في إنقاص الوزن ونسبة الألياف العالية في البرتقال هتطول إحساسك بالشبع وهتساعدك تخس.

2- البرتقال يعتبر وقاية من السرطان:

لأن نسبة فيتامين جـ في البرتقال عالية جداً وده بيساعده يكون مضاد للأكسدة ومانع قوي للخلايا السرطانية لإن خصائص مضادات الأكسدة بتساعد البرتقال يحمي الإنسان من سرطان الثدي والجلد والرئة والبلعوم والقولون والمرئ، وهناك دراسة انتشرت في المجلة الأمريكية لعلم الأوبئة إن فوائد البرتقال وعصير البرتقال على الأطفال في أول سنتين من عمرهم بيقلل من إحتمالية إصابتهم بسرطان الدم، وكمان اثبتت واحدة من الدرسات إنه يمكن إستخراج فيتامين جـ من البرتقال في يوم من الأيام لتجنب الخلايا السرطانية القولونية المستقيمة.

3- بشرة نضرة أكثر:

لأنه بيحتوي البرتقال على مضادات الأكسدة اللي بتساعده يحافظ على نضارة الجلد والبشرة ويحافظ عليها من علامات الشيخوخة، ولو عايز تحافظ على بشرتك نضرة وكأنك شاب لحد سن الـ50 يبقي لازم تاكل برتقالة كل يوم.

4- ضغط الدم هيتظبط :

لأن مادة الهيسبيريدين في البرتقال بتساعد إنه يقلل من نسبة الكوليسترول وبتساعد كمان في تقليل ضغط الدم وده بيخلي البرتقال علاج كويس لضغط الدم العالي.

5- مريض السكر صاحب البرتقال:

لأن أثبتت كتير من الدراسات إن مريض السكر بيحتاج وجبات عالية الألياف ومنخفضة الجلوكوز وبكدة يكون البرتقال وجبة مهمة ليهم لأنه كمان بيساعد في خفض مستويات الكوليسترول العالية اللي بيمنع تصلب الشرايين.

6- البرتقال علاج للقلب:

لأن مادة الفلافونويدات وبالذات الهسبيريدين بتساعد في الحماية من أمراض القلب وتقلل إحتمالية الإصابة بيه.

7- علاج حصوات الكلى:

لأن البرتقال بيحتوي على حمض الستريك والسترات اللي بتساعد في منع تكون حصوات الكلى وتناول البرتقال بشكل منتظم هيحميك من المرض ده ويمنع عنك أضراره

8- البرتقال والجنس:

القيم الغذائية الكثيرة الموجودة في البرتقال بتساعد على تحسين العلاقة الحميمية بين الزوجين، مع وجود الفلافونيدات في البرتقال اللي اثبت الدراسات سنة 2016 إن وجود الفلافونيدات في البرتقال بيقلل من خطر الإصابة بالضعف الجنسي عند الرجال، ده غير تأثير زيت قشر البرتقال وخصائصه اللي ممكن استخدمها كمنشط جنسي واستخدامه بشكل منتظم ممكن يساعد في حل بعض المشاكل زي: البرود الجنسي، العجز الجنسي، فقدان الاهتمام بالعلاقة الحميمية، انخفاض الرغبة الجنسية.

9- مرض الأنيميا:

أو فقر الدم سببه نقص مستوى خلايا الدم أو الهيموغلوبين في الدم وده بيكون بسبب نقص الحديد في الجسم وعلى الرغم من إن البرتقال مش مصدر قوي للحديد ولكنه مصدر مهم للاحماض العضوية زي فيتامين جـ (حمض الأسكوربيك) وحمض الستريك اللي بيساعدوا على زيادة إمتصاص الجسم من الحديد.